ஷாப்பிங்... உலகமயம் நமக்களித்த
உன்னத பரிசு !
உலகமயத்தை எதிர்ப்பவனாயிருந்தாலும்
இன்று நானும் சென்றேன்
ஷாப்பிங்
அவளோடு...
ஆதிகாலத்தில் வண்டி கட்டி
சந்தைக்குச் சென்ற வம்சம்
என்பதால்
ஷாப்பிங்
பெரிதாய் உருத்தவில்லை...
எம் ஷாப்பிங் பயணத்திற்கு
முதல் எதிரியாய்
வந்தது
அந்த பேய் மழை !
என்னடா ?
நம்ம வர்றதே எப்பாவது ஒரு தடவை
ஏன் இப்படி பண்ணுது இந்த மழை
என
சிங்காரி அவள் சிணுங்கியது கேட்ட
மேகங்கள்
சட்டென நிறுத்தியது தூவாணத்து
தூறலை !
கடை கடையாய்
ஏறி களைத்து போவோர் பலர்
ஆனால்
அதுவே கடை
இதுவே உடை
என அழகாய்
அளவாய்
சொல்பவள் அவள் !
உடை எடுக்கச் சென்றதோ
எனக்கு
ஆனால் ஓடி ஓடி அலைந்ததோ
அவள் !
கர்ப்பத்தில் இருக்கும்
குழந்தை
சிவப்பாய் பிறந்திட
குங்குமப் பூ
உண்ணும் அன்னையையாய்
எனக்கான உடையை
அவள்
தேடி தேடி தேர்ந்தெடுத்த அழகு
என் வாழ்வில்
வசந்தத்தின் வரவு !
சாலைகளை கடக்க
அவள் கையை நானும்
என் கையை அவளும்
பிடித்திருந்த வடிவை
பொறைமையுறாதோர்
பூமியில் இல்லை !
யார் யாருக்கோ எதில் எதிலோ
உயிர்
அவளுக்கோ ஊர் சுற்றுவதில்
உயிர் !
ஊர் சுற்றும் பெண் மக்கள்
வீட்டுக்கு அடங்கார் !
எனச் சொல்லும்
ஆணாதிக்க கூற்றை உடைத்தெறியும்
குணமது !
எல்லாவற்றுக்கும்
உண்டு ஒரு கணக்கு !
எம் பயணத்திற்கும்
இருந்தது ஒரு கணக்கு !
ஆதியில் வாங்கிய பாப்கார்ன்
பொட்டலமே
எமக்கான மணிக்கூண்டு !
பாப்கார்ன் தீர தீர
எம் பயணம் முடிய
இருப்பதை உணர்த்தியது
இறுதியில் இனிமையாய் முடிந்தது
ஷாப்பிங்
காலியான பாப்கார்ன்
பொட்டலத்தோடு !
எத்தனை பாப்கார்ன்கள்
தீர்ந்தாலும்
தீராது ஷாப்பிங் மீதான
எம் ஆசை !
இன்று முடிந்திருக்கும் ஷாப்பிங்
ஒரு இடைவேளையே !
எம் இதயம் இனிமைப்பட
என்றும் தொடரும்
ஷாப்பிங்
ஒரு தொடர்கதையே !
சொந்த அனுபவமோ?
ReplyDeleteAenna! shopping experience with your dream girl in dream?! Nicely expressed!!!
ReplyDelete