ராமனின் சீதைக்கு !

லங்கையில் கண்ணீரில் குளித்த நீ

உன் கணவனின் கண்மூடித்தனத்தால்

தீயில் குளித்தாய்....

கற்பு என்னும் கற்பனைக்கு

நீ தான் இலக்கணமாம் !

உன்னை காரணம் காட்டி

இங்கே ஓராயிரம் சீதைகளை எரித்துவிட்டார்கள்...

எங்கள் நவயுக ராமன்கள் !

தீயில் குளித்த நீ

எழுந்தது போல்

எங்கள் தாய்மார்கள் எழுவது இல்லையே !

தவறான உதாரணத்தை தரணிக்கு தந்துவிட்டாய்

மன்னித்து விடு

தாயே

உன்னை மன்னிக்க எனக்கு மனமில்லை !